Air Asia 想飛就飛優惠！飛馬來西亞同泰國，到出年1月都有平飛！

亞洲航空（Air Asia）Big Sale 完結左無耐，又接續推出新優惠！今次賣2014年9月2日至2015年1月的機票！2014年9月7日或之前預訂，澳門直飛曼谷、清邁來回連稅最低MOP1,056、吉隆坡MOP1,034！價錢雖然比之前big sale 貴左少少，不過都係可以考慮！

預訂網址：http://www.airasia.com/

Air Asia Big Sale Again！飛泰國來回連稅唔使一千！到出年10月都有平飛！

亞洲航空（Air Asia）又推出Big Sale啦！今次賣2015年3月至10月的遠期票！2014年8月31日或之前預訂2015年3月1日至10月24日的機票，澳門直飛曼谷來回連稅最低MOP856、清邁MOP896、吉隆坡MOP994！呢個價都絕對值得考慮！而且可以考慮加買吉隆坡轉機去其他地方的機票，像是去浮羅交怡，目前正在做零元機票優惠，來回連稅MYR64，折回才MOP172左右，加埋澳門飛吉隆坡來回機票，千一銀多d 就可以去浮羅交怡！不過要注意，如果要買經吉隆坡去其他地方的特價票，要分開澳門－吉隆坡，吉隆坡－目的地兩程來買，直接搜澳門－目的地的價錢會比分開買貴上不少！例如去浮羅交怡分兩程買是MOP1,170、一次過買是MOP1,500！

預訂網址：http://www.airasia.com/

澳門航空20週年promo！幾乎所有航點都有特價！特價仲直到2015年6月30日！

今年是澳門航空（Air Macau）成立20週年，澳航當然出返個prom 賀一賀佢！今次promo 幾乎覆蓋所有航點，而且旅行日期由2014年9月10日一直到2015年6月30日，plan 埋出年去玩都仲得！先跟大家報告一下各航點的澳門出發來回連稅價，由於2014年9月10日至12月31日跟2015年1月1日至6月30日出發的機票價錢略有不同，括號中的為2015年的出發價：

南京/杭州/寧波/合肥/上海：MOP1,728（MOP1,528）
成都/重慶/鄭州：MOP1,808（MOP1,608）
廈門/南寧：MOP1,608（MOP1,408）
天津：MOP2,008 （MOP1,808）
瀋陽/太原/北京：MOP2,208（MOP2,008）
高雄：MOP1,772（MOP1,572）
台北：MOP1,872（MOP1,672）
曼谷：MOP1,768（MOP1,568）
首爾：MOP2,510（MOP2,310）
東京/大阪：MOP2,698（MOP2,498）

當中最吸引當然是日本、台灣、韓國線！台灣線簡直是必搶！以上的航點基本上都沒有航班限制，除了大陸航點限星期二至六出發及部份大陸航點有航班限制。

優惠售賣時間至8月31日，有興趣的朋友快點看看啦！

預訂網址：http://www.airmacau.com.mo/

AirAsia 繼續推出優惠！去曼谷走一轉都係MOP816咋！

AirAsia 的優惠一個接一個！完左個Facebook 150K Fans，又繼續出新promo！跟FB優惠一樣，澳門出發來回連稅，吉隆坡MOP1,034、曼谷MOP816、清邁MOP1,056！因為價錢一樣，繼續以曼谷最抵玩！這次優惠由即時起售賣至8月3日，旅行日期由即日起至11月30日。不過因為呢次優惠旅行ge 時間同上次一樣，感覺上有平飛的日子不算很多，各位可能要多花點時間找找。

預訂網址：http://www.airasia.com/

AirAsia FB 150K Fans 優惠！

AirAsia 為慶祝 Facebook Fans 到150K，又推出優惠！澳門出發來回連稅，吉隆坡MOP1,034、曼谷MOP816、清邁MOP1,056、馬尼拉MOP538！當中以曼谷最抵玩，完全係Big Sale 價！這次優惠由即時起售賣至7月20日，旅行日期由7月21日至11月30日。

預訂網址：http://www.airasia.com/

AirAsiaGo 暑期訂酒店送機票！澳門去清邁五日四夜全包連稅MOP633起！

AirAsiaGo 時不時都會推出訂酒店送機票優惠，今天就出左清邁同馬尼拉的promo！講一下大家比較留意的清邁，澳門出發、五日四夜、來回機票加酒店二人同行連稅最低MOP1,266，除返開一個人都係MOP633咋！想住好d，住到艾美（Le Meridien）呢個五星酒店，一樣五日四夜二人同行，每人都係MOP2,360而已！真係抵玩！馬尼拉的價錢亦相若。

這次promo 旅行日期由7月15日至8月31日，所以最0岩學生哥去！優惠售賣至7月13日。

預訂網址：http://www.airasiago.com/

香港快運全航線Promo！飛日本韓國來回連稅千五銀有找！

香港快運（Hong Kong Express）推出全航線優惠 Mega Sale！旅行日期由2014年8月26日至2015年3月28日，各航點及香港出發來回連稅最低價如下：

台中HK$695
昆明HK$729
寧波HK$729
沙巴HK$775
檳城HK$775
清邁HK$786
布吉HK$786
東京HK$1,423
大阪HK$1,252
福岡HK$1,292
名古屋HK$1,415
釜山HK$1,398
首爾HK$1,238

對於澳門朋友來說，當然日本同韓國線最大吸引力，特別是福岡！雖然價錢未算爆平，但係已經係可以出手的價。優惠預訂日期至7月10日，有興趣的朋友就快手啦！

預訂網址：http://www.hkexpress.com/

AirAsia Fly Later 優惠！十一月初打後澳門飛吉隆坡MOP876、泰國MOP976！

早前跟大家報告過亞航（Air Asia）做緊即起至11月3日的特價票，原來11月4日打後都有特價，而且價錢仲低D！澳門飛吉隆坡來回連稅最低MOP876、曼谷清邁MOP976！價錢直迫Big Sale價！旅行日期由11月4日至2015年3月31日，優惠售賣日期至7月6日。

預訂網址：http://www.airasia.com/

亞航繼續Promo！澳門飛吉隆坡MOP1,020！飛曼谷清邁MOP1,056！

早幾日同大家報告過亞洲航空（Air Asia）出左個泰國Promo，點知呢個promo 一完，馬上又來另一個！7月6日前預訂7月2日至11月13日澳門出發的機票，飛吉隆坡來回連稅最低MOP1,020、曼谷清邁MOP1,056！價錢比一次略高，但係暑假仍是可取之價！有興趣的朋友快d 去睇睇啦！

預訂網址：http://www.airasia.com/

Air Asia 泰國 Promo，澳門出發來回連稅MOP936起！

亞洲航空（Air Asia）又出左個泰國Promo，澳門飛曼谷清邁來回連稅最低MOP936！旅行日期由即日起到10月31日，查過票量不錯，特別是九月十月！預訂日期只到6月29日，有興趣的朋友要快手d 啦！

預訂網址：http://www.airasia.com/

Air Asia Go Last Minute 訂酒店送機票優惠！

Air Asia Go 不時都推出訂酒店送機票優惠，今天就來個 Last Minute 的！6月15日前預訂6月16日至7月31日澳門出發，飛曼谷、清邁、吉隆坡的酒店加機票package，就有可能獲得免費機票（當然稅還是要付）！看了一下，例如澳門飛曼谷，二人同行四日三夜，最便宜MOP1200多搞掂，每人六舊水多d 真係當買機票都抵！想住好d，例如很多人都like 的 Terminal 21，一樣二人同行四日三夜，總共MOP3,765，除返開每人MOP1,883左右，都係值得考慮！

預訂網址：http://www.airasiago.com/

Air Asia 2015年 Big Sale！

亞洲航空（Air Asia）推出了2015年遠期大優惠！2014年6月2日至8日預訂2015年1月5日至7月31日的機票，澳門飛曼谷來回連稅最低MOP896、清邁MOP936、吉隆坡MOP756！很久沒看到吉隆坡有低過一千銀的價格，絕對值得考慮！而且可以考慮加買吉隆坡轉機去其他地方的機票，像是去浮羅交怡，目前正在做零元機票優惠，來回連稅MYR58，折回才MOP145左右，加埋澳門飛吉隆坡來回機票，九百元就可以去浮羅交怡！去澳洲都有，例如吉隆坡去墨爾本來回連稅MYR763（若MOP1900），配合big sale 就可以做到MOP2700左右。

要注意 如果要買經吉隆坡去其他地方的特價票，要分開澳門－吉隆坡，吉隆坡－目的地兩程來買，直接搜澳門－目的地的價錢會比分開買貴上不少！例如去浮羅交怡會貴一個double！

預訂網址：http://www.airasia.com/

Air Asia Go 遠期大促銷！

Air Asia Go 推出遠期優惠！出發日期由2015年1月5日至6月5日，查過澳門去曼谷、清邁、馬吉隆坡，四日三夜二人同行，來回機票連酒店、最低每人連稅HKD990起！想住好d，住到好似Terminal 21 五星級數，都係平均每人HKD2150就得！優惠售賣日期由6月1日至6月8日。

預訂網址：http://www.airasiago.com/ 

亞航盛夏促銷！

亞洲航空（Air Asia）促銷又來啦！早前幾番promo後停左一段日子，終於又等到一個！即日起至6月1日，預訂2014年9月30日出發的機票，澳門飛曼谷、清邁來回連稅MOP976起！飛吉隆坡MOP1,380起！仲有新航點馬尼拉，來回連稅MOP940！因為出左平機票，連帶Air Asia Go都有平價套餐，想一次過book 哂機票酒店的可以去看看。

預訂網址：http://www.airasia.com/

香港快運last minute 意思意思promo，八個航點有得減

香港快運（Hong Kong Express）剛推了一批 last minute 優惠，出發日期為6月1日至7月10日，優惠航點及香港出發來回連稅價如下：

昆明 HKD833
清邁 HKD990
沙巴 HKD1,038
台中 HKD999
檳城 HKD1,078
布吉 HKD1,130
大阪 HKD1,682
福岡 HKD1,721

老實講，對澳門的朋友而言，比較可以考慮的只有大阪跟福岡兩個地方。有興趣的可以上官網找找看。優惠售賣日期至5月29日止。

預訂網址：http://www.hkexpress.com/

亞航Big 計劃用錢買分秘技！配合 last minute 促銷，變出澳門飛曼谷來回連稅MOP592起！

亞洲航空（Air Asia）旗下有個常旅客計劃 Big Point，講真平常用處其實不大，因為坐一程澳門曼谷來回都只賺得一百幾十點，但換機票就要一萬幾千點，唯一可取是偶然Big Point 會有換機票的促銷，可能一千幾百點就可以換到張單程，有時甚至一點都不用！今天亞航 Big 就出左個這樣的Promo。5月14日至16日預訂5月15日至6月30日的機票，用一下秘技，就可以變相買到澳門飛曼谷來回連稅MOP592的機票！詳情如下：

I. 事前準備：

首先你需要一個Big Point account，有的話當然ready，無的話去以下網址申請：
https://www.tune2big.com/web/guest/virtual-verification

然後你需要一個可以開分頁同有cookie 功能的瀏覽器，簡單點說IE、Firefox、Chrome、Safari 其實現在都有齊上述兩樣野。注意手機跟平板電腦的瀏覽器很多都沒有cookie 功能，所以還是坐定定係部電腦前比較好。

II. 實戰開始：

1. 首先去今次PROMO ge 頁面：
http://www.airasiabig.com/finalcall/fc-myen/

2. 選擇 "Redeem"，login 你的big point account

3. 選擇航班及旅遊日期

4. 選擇你的航班（順便可以發現換澳門－曼谷來回票要3,882 Big Points同500銀稅項）

5. 填入旅客資料、選行李額及座位（要最平的話當然行李同座位都不要選）

6. 在選完（或退選完）座位後，按"Payment"，應該會出現 "Insufficient points to proceed" 的字樣，這是因為你的 Big Points account 中不夠big points換機票，所以無法進入下一步付錢

7. 秘技時刻：在瀏覽器中開一個新分頁，貼上以下網址，按enter，等一下
https://redemption.airasiabig.com/Page/Payment.aspx

8. 之後就會出現付款頁面，你會發現要付的金額為MOP592，當中MOP500是之前見到的稅項，MOP92是用來取代3,882 points的金額。其實每100 big points 等於1 MYR（馬來西亞幣令吉），不過目前其實沒有正式途徑可以用錢買big points，所以就要用上面的秘技來避開big points不足的限制

其實同一方法仲可以用來買其他有promo 的航點，正！

不過正還正，有幾點是需要注意的：

1. 由於這是用一點小手段迴避了不夠分數換機票的方法，有一個風險是航空公司可能會不認帳。不過可能性偏小，因為事實上方法不是用來「走數」，而是用現金代替點數。

2. 就算航空公司不認帳，後果最多是可能訂票被取消，已付款項基本上都會全數退回。

3. 由於存在不認帳風險，所以訂酒店方面就盡量訂可以免費取消的，以防萬一。

香港快運24小時Promo, 昆明沙巴清邁布吉大阪福岡首爾！

香港快運推出了一個24小時Promo，優惠航點是昆明沙巴清邁布吉大阪福岡首爾！價錢方面，來回連稅，昆明HKD913、沙巴HKD1,037、清邁HKD1,171、布吉HKD1,271、首爾HKD1,584、大阪HKD1,780、福岡HKD1,721。旅行日期由6月1日至6月30日。對於澳門的朋友而言，首爾大阪同福岡比較有吸引力。不過提提大家同一時期，大阪航線樂桃航空都有Promo，由於兩家都是廉航，買單程一樣有得平，不妨兩家一齊夾下分分鐘可以組合出靚價靚時間。另外香港快運轉了預訂系統，現在會預設買行李額，唔要的記得自己選回不要託運行李。優惠預訂日期只到5月14日下午5：59。

預訂網址：http://www.hkexpress.com/

香港快運小Promo，飛台中、沙巴、清邁、布吉來回連稅HKD1,079起

香港怏運（Hong Kong Express）出左個小Promo，5月24日至7月9日香港出發飛台中、沙巴、清邁、布吉有特價。香港出發來回連稅價分別是台中 HKD1,079、沙巴 HKD1,116、清邁 HKD1,171、布吉 HKD1,271。預訂日期至5月9日。

預訂網址：http://www.hkexpress.com/

泰國飛鳥航空Promo，泰國國內線來回連稅2,180泰銖起！

澳門目前直飛泰國只兩個航點：曼谷跟清邁，如果想去泰國其他地方，像是布吉、清萊、甲米等，都要在曼谷轉機。除了大家常搭的Air Asia亞洲航空外，近幾年大受歡迎的飛鳥航空（Nok Air）都是可以考慮！今天Nok Air 剛出了個Promo，所有泰國國內線單程連稅990泰銖起，連同訂票手費，最低來回連稅2,180泰銖，即是大概MOP540！票價已經包括15kg 托運行李額（手提行李7kg）、機上簡餐及免費選位（緊急通道及前排座位不能選）。

此次優惠旅行日期由2014年5月20日至2015年3月28日，預訂日期至5月12日。不過留意AirAsia國內線至6月30日的航班其實現在都有promo，來回連稅大概1,300泰銖出頭。所以如果你是5月6月去、沒有寄托運行李需要、也不一定要選位的話，坐亞航其實比較划算。

預訂網址：http://www.nokair.com/

Air Asia Go 出左送機票，當然又到AirAsia 出特價票！

似乎現在己經變到公式一樣，Air Asia Go 出左訂酒店送機票無耐，Air Asia 就會出特價機票。今天亞航又出了澳門出發飛曼谷、清邁、吉隆坡的特價，曼谷清邁來回連稅MOP976，吉隆坡MOP1,016。旅行日期比前幾次Promo 稍短，由即日起至8月3日而已，優惠預訂日期至5月11日止。

 記得現在有Air Asia Go 訂酒店送機票的優惠，呢兩個優惠的日子是有重疊的（5月15日至6月30日），所以要訂的話最好睇左Air Asia Go個邊個價先。

預訂網址：http://www.airasia.com/