勁抵套票！二人同行香港坐ANA直飛大阪，五日四晚來回機票連四星酒店，每人都係HKD4700咋！

Expedia.com.hk 聯合全日空（ANA）推出超抵大阪套票優惠！在Expedia.com.hk 上選擇機票連酒店，機票會有超特價！例如二人同行飛大阪，ANA機票連四晚ANA Crowne Plaza Osaka （四星級酒店），總價HKD9,362，除返開每人HKD4,681！Crowne Plaza 平極都要成千銀一晚，一個人當佢值500蚊，四晚即係二千銀，計計下即係張平時要四千銀的ANA機票現在只需要二千五左右！抵到爆！

check 過系統，10月到12月中都仲有不少優惠日子，特別是11月，而且大賽車期間都有！想大賽車期間出去呌呌氣，可以認真考慮考慮！優惠唔知賣到幾時，估計是賣到無機位為止。

另外 expedia.com.hk 呢d 套票唔一定要訂足咁多日酒店架，所以想借大阪轉去其他地方都得，只要在搜尋時選擇“我只需要在部份旅程中入住酒店”就ok！

預訂網址: http://www.expedia.com.hk/

樂桃航空香港飛大阪優惠，來回連稅HKD1,491！

樂桃航空（Peach）推出了香港飛大阪的單程優惠，未稅HKD598，連稅的話是HKD763；來回就連稅HKD1,491，價錢都算ok！旅行日期由9月8日至12月18日，優惠售賣至8月31日晚上11時59分。優惠時間正好秋入冬，想看紅葉就必需留意啦！

預訂網址：http://www.flypeach.com/

Air Asia Big Sale Again！飛泰國來回連稅唔使一千！到出年10月都有平飛！

亞洲航空（Air Asia）又推出Big Sale啦！今次賣2015年3月至10月的遠期票！2014年8月31日或之前預訂2015年3月1日至10月24日的機票，澳門直飛曼谷來回連稅最低MOP856、清邁MOP896、吉隆坡MOP994！呢個價都絕對值得考慮！而且可以考慮加買吉隆坡轉機去其他地方的機票，像是去浮羅交怡，目前正在做零元機票優惠，來回連稅MYR64，折回才MOP172左右，加埋澳門飛吉隆坡來回機票，千一銀多d 就可以去浮羅交怡！不過要注意，如果要買經吉隆坡去其他地方的特價票，要分開澳門－吉隆坡，吉隆坡－目的地兩程來買，直接搜澳門－目的地的價錢會比分開買貴上不少！例如去浮羅交怡分兩程買是MOP1,170、一次過買是MOP1,500！

預訂網址：http://www.airasia.com/

Hotels.com 3星4星5星優惠碼，一百幾十住靚酒店！

著名的網上預訂酒店網站 Hotels.com 推出了三個超正的全球通用 promo code，三星酒店減USD30、四星酒店減USD40、五星酒店減USD50！而且沒有最低消費或最短入住日數限制，係一d 酒店平身就已經很平的地方，例如泰國、印尼，真係分分鐘俾一百幾十蚊就搞掂！優惠碼如下：

三星級酒店：3STARUS
四星級酒店：4STARUS
五星級酒店：5STARUS

至於酒店係幾多星期，可以在搜尋酒店後，在酒店名字地均下找到，如圖中所示，呢間就係三星級酒店：

優惠碼只可以折房價，稅項無得減，假如房價比折扣額仲要低，都只會折到盡，不會有rebate。

使用優惠碼需要到hotels.com 的美國版站，以美元計價預訂，在網站上方可以選擇：

輸入優惠碼是在預訂的最後一步，付款頁時的右邊。輸入優惠碼後按apply 就可以了：

優惠碼使用日期至8月31日，而且只有前15000張訂單可用。大家要搶就快手啦！

預訂網址：http://us.hotels.com/

東航秋冬歐陸優惠，澳門出發飛巴黎來回連稅HKD6,526起！羅馬HKD6,347起！

想去巴黎掃貨，或者去羅馬睇睇古蹟？中國東方航空（China Eastern Airlines）現在有優惠啊！東航出左個秋冬特價，澳門出發，經上海轉機飛巴黎來回連稅HKD6,536、飛羅馬HKD6,347，以澳門出發來算是很不錯的價錢！查過系統，10月至12月中都有特價票，只是數量不算很多，大家要上官網自己夾夾。呢個特價最長停留期為六個月，想點玩都得啦！目前看不到這個優惠有最後售賣日期，大概是會賣到賣哂為止。

另外要注意如果係去羅馬，回程要在上海過一晚，不過東航會送過境酒店，所以都ok啦。

預訂網址：http://ck.ceair.com/

澳門航空20週年promo！幾乎所有航點都有特價！特價仲直到2015年6月30日！

今年是澳門航空（Air Macau）成立20週年，澳航當然出返個prom 賀一賀佢！今次promo 幾乎覆蓋所有航點，而且旅行日期由2014年9月10日一直到2015年6月30日，plan 埋出年去玩都仲得！先跟大家報告一下各航點的澳門出發來回連稅價，由於2014年9月10日至12月31日跟2015年1月1日至6月30日出發的機票價錢略有不同，括號中的為2015年的出發價：

南京/杭州/寧波/合肥/上海：MOP1,728（MOP1,528）
成都/重慶/鄭州：MOP1,808（MOP1,608）
廈門/南寧：MOP1,608（MOP1,408）
天津：MOP2,008 （MOP1,808）
瀋陽/太原/北京：MOP2,208（MOP2,008）
高雄：MOP1,772（MOP1,572）
台北：MOP1,872（MOP1,672）
曼谷：MOP1,768（MOP1,568）
首爾：MOP2,510（MOP2,310）
東京/大阪：MOP2,698（MOP2,498）

當中最吸引當然是日本、台灣、韓國線！台灣線簡直是必搶！以上的航點基本上都沒有航班限制，除了大陸航點限星期二至六出發及部份大陸航點有航班限制。

優惠售賣時間至8月31日，有興趣的朋友快點看看啦！

預訂網址：http://www.airmacau.com.mo/

釜山航空11月早鳥票開賣！澳門直飛釜山來回連稅MOP2,089起！

又到左一號，又到了釜山航空一個一次的三個月早鳥promo！8月20日前預訂11月份澳門飛釜山的機票，來回連稅最低MOP2,089！剛剛上去睇過，票量不俗！想11月去釜山的朋友就快d plan plan 佢啦！

預訂網址：http://www.airbusan.com/